Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

ஸ்விக்கி இன்ஸ்டாமார்ட் ஆர்டர் 162 சதவீத உயர்வு

ஸ்விக்கி இன்ஸ்டாமார்ட் ஆர்டர் 162 சதவீத உயர்வு

இன்ஸ்டாமார்ட்டில் விருந்துக்குத் தேவையான பொருட்களின் ஆர்டர்கள் 162 சதவீதம் உயர்ந்தன.

KumudamBizNews NATION 2 நிமிட வாசிப்பு
பகிரவும் WhatsApp Facebook

தீபாவளிக்கு இனிப்புப் பெட்டி முதல் தங்க நாணயம் வரை, செல்போனில் ஆர்டர் செய்து வாங்குவதில் நுகர்வோர் ஆர்வம் காட்டினர். கடந்த தீபாவளியுடன் ஒப்பிடுகையில், ஜெப்டோவில் பரிசுத் தொகுப்பு ஆர்டர்கள் மூன்று மடங்காகின. ஸ்விக்கி இன்ஸ்டாமார்ட்டில் விருந்துக்குத் தேவையான பொருட்களின் ஆர்டர்கள் 162 சதவீதம் உயர்ந்தன.


வீட்டை அலங்கரிக்கவும், பண்டிகைக்குத் தயாராகவும் தேவையான பொருட்களுக்கும் ஜெப்டோவில் வரவேற்பு கிடைத்தது. வட இந்தியாவில் அகல் விளக்குகளுக்கு மட்டும் 4.68 லட்சம் ஆர்டர்கள் வந்தன. பூக்கள், மாலைகளுக்கான ஆர்டர்கள் கடந்த ஆண்டைவிட இரண்டரை மடங்காகின. பாரம்பரிய ஆடைகள், அணிகலன்கள் உள்ளிட்ட பண்டிகைக்கால ஆடைப் பொருட்களின் விற்பனை இருமடங்கானது. அழகு சாதனங்களுக்கான தேவை தீபாவளி நாளில் உச்சத்தைத் தொட்டது.

இனிப்பு விற்பனையில் சுவாரசியமான வேறுபாடு தெரிந்தது. ஜெப்டோவில் அதிக முறை இனிப்பு லட்டு ஆர்டர் செய்யப்பட்டது. ஆனால், விற்ற மொத்த எண்ணிக்கையில் சோன் பப்டி முதலிடம் பிடித்தது. இன்ஸ்டாமார்ட்டில் காஜு கத்லி முதலிடம் பெற்றது. மோதிசூர் லட்டு, கடலைமாவு லட்டு அடுத்தடுத்த இடங்களைப் பிடித்தன. நொறுக்குத் தீனி ஆர்டர்கள் 42 சதவீதம் அதிகரித்தன.

நவம்பர் 8-ம் தேதி தீபாவளியன்று இன்ஸ்டாமார்ட்டில் காலை 11 மணி முதல் நண்பகல் 12 மணி வரை ஆர்டர்கள் அதிகமாகக் குவிந்தன. அதிலும் காலை 11.18 மணிக்குத்தான் ஒரே நிமிடத்தில் அதிகபட்ச ஆர்டர்கள் பதிவாகின. பண்டிகைக்காலத் தேவை அதிகமாக இருந்த நகரங்களின் பட்டியலில் மதுரையும் இடம்பெற்றது. ராய்ப்பூர், கவுகாத்தி, திருச்சூர், கொல்லம் ஆகிய நகரங்களும் அந்தப் பட்டியலில் இருந்தன.

தன்தேரஸ் விழா கொண்டாடப்பட்ட நாளான நவம்பர் 6-ம் தேதி, நள்ளிரவு தாண்டி 30 வினாடிகளில் ஹைதராபாத்திலிருந்து முதல் தங்க நாணய ஆர்டர் வந்தது. அடுத்த நான்கு வினாடிகளில் பெங்களூருவிலிருந்து முதல் வெள்ளி நாணய ஆர்டர் பதிவானது. தங்க நாணயங்களில் ஏறக்குறைய மூன்றில் இரண்டு பங்கு ரோஜா அல்லது பிற மலர் வடிவங்களில் இருந்தன. வெள்ளி நாணயங்களில் 73 சதவீதம் லட்சுமி, விநாயகர் வடிவம் கொண்டவை. 


இரு உலோக நாணயங்களுக்கான ஆர்டர்களும் மாலை 6.38 மணிக்கு உச்சத்தைத் தொட்டன.
பண்டிகைக்காலத்தில் மிக அதிக மதிப்பிலான ஆர்டர் மும்பையில் பதிவானது. அங்கு ஒரு வாடிக்கையாளர் லட்சுமி, விநாயகர் மற்றும் தாமரை வடிவத் தங்க நாணயங்களை ரூ.1.11 லட்சத்துக்கு வாங்கினார். ஹைதராபாத்தில் ஒருவர் இரண்டு கிராம் தங்க நாணயத்தையும் 100 கிராம் வெள்ளிக் கட்டியையும் ரூ.52,215-க்கு வாங்கினார். சென்னையில் ஒரு வாடிக்கையாளர் ஒரு கிராம் லட்சுமி தங்க நாணயத்தையும் 50 கிராம் வெள்ளிக் கட்டியையும் சேர்த்து ரூ.26,770-க்கு ஆர்டர் செய்தார்.

பரிசுத் தொகுப்புகளுடன் உள்ளூர் கைவினைஞர்கள் தயாரிக்கும் பொருட்களையும் ஜெப்டோ விற்பனைக்கு கொண்டுவந்தது. இத்தகைய கூட்டாண்மை மூலம் பாரம்பரியப் பொருட்களை நாட்டின் பல பகுதிகளில் உள்ள வாடிக்கையாளர்களிடம் கொண்டு செல்ல முடிவதாக நிறுவனம் தெரிவித்தது.

முந்தைய செய்தி
DGTR probes aluminium dumping from China, Malaysia, Vietnam
அடுத்த செய்தி
National Startup Awards 6.0 opens applications

தொடர்புடைய செய்திகள்